Jambyl oblysynda qoı sharýashylyǵyna kóńil bólinip, tuqymyn asyldandyrý qolǵa alynyp jatyr. Osyǵan oraı Shý aýdanynda asyl tuqymdy qoı sharýashylyǵy, asyl tuqymdy qoshqarlardyń kórme-aýksıony ótti, dep habarlaıdy Egemen.kz Jambyl oblysy ákimdiginiń baspasóz qyzmetine silteme jasap.
О́ńirdegi sharýalar kórmege 200 bastan kóp asyl tuqymdy qoshqar ákelgen. Qazylar alqasy qoılardyń salmaǵy men boıyna qaraı baǵa bergen. Kórmede toqty qoshqardyń salmaǵy 130, saqa qoshqarlardyń salmaǵy 201 kelige deıin jetken.
Qoı sharýashylyǵyn damytýǵa oblys ákimi Nurjan Moldııaruly basa mán berip, sharanyń uıymdastyrylýyna muryndyq bolǵan.
Sharaǵa oblys ákiminiń orynbasary Qanatbek Mádibek qatysyp, bul kórmeniń mańyzdylyǵyna toqtaldy.
«Mal tuqymyn asyldandyrýmen aınalysatyn ǵylymı zertteý ınstıtýttarymen jumys júrgizýge oblys bıýdjetinen arnaıy qarjy berildi. Elimizdiń azyq-túlik qaýipsizdigin qamtamasyz etý, aýyl halqynyń áleýmettik-turmystyq jaǵdaıyn jaqsartý men mal sharýashylyǵynyń eksporttyq áleýetin arttyrýda dástúrli sala – qoı sharýashylyǵyn órkendetýdiń mańyzy erekshe. Endeshe, sharýalarymyzdyń isi berekeli bolsyn!», dedi Q. Mádibek.Aıta keteıik, aımaqta qoı ósiretin 1500-den asa sharýashylyq bar. Onda 3,5 mln bas qoı bar. Bul sharýashylyqtarda edilbaı, qazaqtyń quıryqty qylshyq júndi, merınos, qarakól jáne de basqa tuqymdary ósirilýde.