2019 jyly qatty turmystyq qaldyqtardy qaıta óńdeý jáne kómý kombınaty «Tazalyq-S» JShS senimgerlik basqarýyna berilgen, dep habarlaıdy Egemen.kz Mańǵystaý oblysy prokýratýrasy baspasóz qyzmetine silteme jasap.
Jańaózen qalasynyń prokýratýrasy anyqtaǵandaı, JShS kombınatty berýge negiz bolǵan mindettemelerin oryndamaǵan.
Atap aıtqanda, kombınat arnaıy tehnıkanyń jetkilikti sanymen qamtamasyz etilmegen, qatty-turmystyq qaldyqtardy qaıta óńdeý óndirisi keńeıtilmegen, polımerli qubyrlar óndirisi iske asyrylmaǵan.
Prokýratýranyń qadaǵalaý aktisi boıynsha Jańaózen qalasynyń ákimdigi mamandandyrylǵan aýdanaralyq ekonomıkalyq sotyna senimgerlik shartty toqtata turý týraly talap aryz berip, ol tolyǵymen qanaǵattandyrylǵan.
Apellıasııa satysynda joǵaryda atalǵan sottyń sheshimi ózgerissiz qaldyryldy.
Nátıjesinde balanstyq quny 1 mlrd teńgeden asatyn múliktik keshen jergilikti atqarýshy organnyń kommýnaldyq menshigine qaıtaryldy.