Eńbek jáne halyqty áleýmettik qorǵaý mınıstrligi Qazaqstanda 4 kúndik jumys aptasynyń engizilýine qatysty túsinikteme berdi, dep habarlaıdy Egemen.kz.
«О́zgeris aıasynda 4 kúndik, 5 kúndik jáne 6 kúndik jumys aptasyn kezekpen aýystyrý qarastyrylady. Mysaly, bir apta 5 kúndik bolsa, ekinshi aptada 4 kún jumys isteýge bolady. Bul jumys kestesi qyzmetkerdiń ótinishi boıynsha jumys berýshiniń kelisimimen bekitilýi múmkin. Sóıtip, 4 kún jumys isteıtin qyzmetkerde qosymsha demalatyn bir kún paıda bolady», dedi Sáken Dildahmet.
S. Dildahmet bul tájirıbeni keıbir jumys berýshiler qoldanyp júrgenin jáne ol eńbek salasyndaǵy halyqaralyq standarttarǵa sáıkes keletinin aıtty.
Baspasóz hatshysy bul rejımdi engizý qyzmetkerge jeke jáne otbasylyq qajettiliktermen jumys isteý mindetin úılestirýge múmkindik beretinin málim etti.
«Mundaı rejımde jumys isteý qyzmetker úshin jyl saıynǵy aqyly eńbek demalysynyń uzaqtyǵyna, Eńbek kodeksinde, eńbek, ujymdyq sharttarda jáne kelisimderde belgilengen eńbek salasyndaǵy eńbek ótilin jáne basqa da quqyqtaryna shekteýler týǵyzbaıdy», dep túıindedi ol.