Ákimniń orynbasary Darhan Qosantaev ákimniń mindetin atqarýshy bolyp taǵaıyndaldy, dep habarlaıdy Egemen.kz «Ustinka.Live» saıtyna silteme jasap.
Qosantaev Darhan Dáýrenbekuly 1991 jyly 4 qazanda Shyǵys Qazaqstan oblysy, Kúrshim aýdany, Qaratoǵaı aýylynda dúnıege kelgen. D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń ekonomıka jáne menedjment fakýltetin bitirgen, biliktiligi «Qarjy bakalavry»; Semeı qalasyndaǵy QazGZIÝ, biliktiligi «Zań bakalavry».
2013-2014 jyldary - Shemonaıha aýdany Ýst-Talovka aýyly ákiminiń apparatynda bas mamannyń mindetin atqarýshy, odan keıin Shemonaıha aýdany Ýst-Talovka aýyly ákiminiń apparatynda bas maman;
2014-2015 jyly - Shemonaıha aýdandyq dene shynyqtyrý jáne sport bóliminde, odan keıin Shemonaıha aýdandyq mádenıet, tilderdi damytý, dene shynyqtyrý jáne sport bóliminde bas maman;
2015-2017 jyldary - «Shemonaıha aýdany Ýst-Talovka aýyly ákiminiń apparaty» kenttik ınfraqurylym bóliminiń basshysy;
2017-2020 jyldary - Shemonaıha aýdandyq qarjy bóliminde kommýnaldyq múlikti esepke alý jáne eseptilik, basqarý jáne monıtorıngi sektorynyń meńgerýshisi, keıin Shemonaıha aýdandyq qarjy bóliminiń meńgerýshisi;
2020-2021 jyldary – Rıdder qalasy ákimi apparatynyń kadrlyq jumys bóliminiń basshysy;
2021-2022 jyldary - Rıdder qalasy ákimi apparatynyń basshysy;
2022 – osy ýaqytqa deıin – Rıdder qalasy ákiminiń orynbasary bolyp qyzmet atqardy.
Eske salaıyq, Rıdder qalasynyń ákimi Dmıtrıı Anatolevıch Gorkovoı 2023 jyly 21 sáýirde kenetten qaıtys bolǵan edi.