ASTANA. 10 shilde. Prezıdent ákimshiligi kelisimimen jáne Shyǵys Qazaqstan óńiriniń basshysy Berdibek Saparbaevtyń ókimimen Qalıqan Baıǵonysov Qatonqaraǵaı aýdanynyń ákimi bolyp taǵaıyndaldy. Bul týraly altaynews.kz habarlady.
Q.Baıǵonysov 1959 jyly 10 aqpanda Shyǵys Qazaqstan oblysy Qatonqaraǵaı aýdanynyń Pechı aýylynda týǵan. Eńbek jolyn Qatonqaraǵaı aýdany Korobıha aýylynda qarapaıym jumysshy, traktorshy bolyp bastaǵan.
1984 jyly О́skemen qurylys-jol ınstıtýtyn ınjener-mehanık, 2003 jyly Zamanaýı gýmanıtarlyq ınstıtýtyn zańger mamandyqtary boıynsha bitirgen.
1984-1996 jyldar aralyǵynda Qatonqaraǵaı aýdanyndaǵy birqatar keńsharda, aýdandyq ákimshilikte basshylyq qyzmetter atqarǵan.
1998 jyly Qotanqaraǵaı aýdany Belovskoe aýyldyq okrýginiń ákimi, 2001 jyly «Úsh-Bulaq» jaýapkershiligi shekteýli seriktestiginiń dırektory, 2004 jyly «Mal ónimderi» korporasııasynyń oblystaǵy ókili, 2007-2011 jyldar aralyǵynda Qatonqaraǵaı aýdany ákiminiń orynbasary, 2011 jyly Besqaraǵaı aýdanynyń ákimi boldy.
2013 jyldyń 1 shildesinen osy taǵaıyndaýǵa deıin Shyǵys Qazaqstan oblystyq tabıǵı resýrstar jáne tabıǵatty paıdalanýdy retteý basqarmasynyń basshysy qyzmetin atqaryp keldi.
Joldybaı Bazar.
Derekkóz: altaynews.kz.
Foto: aikyn.kz.