AQTAÝ. 10 shilde. Mańǵystaý oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamenti oblystyq tabıǵı resýrstar jáne tabaǵatty paıdalanýdy retteý basqarmasynyń bólim bastyǵy О́.О́tegenge qatysty qylmystyq is qozǵady. Bul týraly egemen.kz tilshisi habarlady.
Kúdikti «Qoshqar-Ata» qaldyq qoımasyn qalpyna keltirýdiń jobalyq-smetalyq qujattaryn jasaqtaý kezindegi jalpy qamqorlyǵy úshin azamat K-den jobanyń jalpy qunynyń 3 paıyzyn talap etip, nátıjesinde 1 mıllıon tengeni para retinde alý ústinde ustalǵan.
Qarjy polısııasynyń baspasóz hatshysy N.Muqataıdyń aıtýynsha, para alý faktisi boıynsha Qylmystyq kodekstiń 311-babynyń 4-bóligi «v» tarmaǵymen is qozǵalyp, sot sanksııasymen О́.О́tegen qamaýǵa alynǵan.
Qazirgi tańda tergeý amaldary júrgizilýde.
Gúlaıym Shyntemirqyzy.
Derekkóz: egemen.kz.
Foto: diapazon.kz.