«Shekarasyz shyńdar» festıvali

Osy aksııaǵa «Vista» sport klýby, alpınızm jáne quzǵa shyǵý federasııasy­men qatar «Qadam Special School», «Autism Qadam» qo­ry qoldaý kórsetipti. Fes­tı­valdyń taqyryby «Sheka­rasyz shyńdar» dep atalady. Bul is-sharaǵa «Qadam Special School» ortalyǵy­­nyń tárbıelenýshileri, ıaǵnı ­aýtızmmen aýyratyn balalar ózde­riniń sporttyq daǵdy­la­ryn kórsetedi. Osy mezette bal­ǵyndardyń ata-analary «KeruenCity» saýda orta­ly­ǵynda quzǵa shyǵýdan baq sy­naıdy. Bizge «Autism Qadam» qo­rynyń prezıdenti Aısulý Májen elde alǵash ret uıym­dastyrylatyn festıvaldyń mán-mańyzy jaıynda aıtyp berdi.

– Bizdiń qor aýtızmmen aýyratyn balalardy qoldaý maqsa­tyn­da túrli jobalardy qolǵa alyp, úılesimdi is­ke asyryp keledi. Onyń ishin­de bilim berý salasyndaǵy jáne sport baǵytyndaǵy jobalardy atap ótýge bolady. «Qadam Special School» ortalyǵy da tıimdiligin kórsetti. Byltyr ózim bas­tap, elimizdegi aýtızm­men aýyratyn balalarǵa ar­nal­ǵan al­ǵashqy sporttyq quz­ǵa shy­ǵý seksııasyn iske qos­tyq. En­di erteń, 28 sáýirde, biz bi­rin­shi festıval ótkizýdi oı­las­tyrdyq. Onyń maqsaty aýtızmi bar balalar sport­tyń osy túrimen tabys­ty aınalysa alatynyn kórsetý bolyp otyr. Árıne, ýaqyt sáti­men elimizdiń basqa óńir­leri de bizdiń bastama­ny qol­daıdy dep úmittenemiz, deıdi A.Májen.

«Qadam Special School» ortalyǵynyń balalary «Vista» sport klýby ma­man­da­­rynyń kómegimen sport­tyq quzǵa shyǵý negiz­derin ıge­rip jatqanyna jyldan asqan. Bul seksııa eldegi aýtızmmen aýyratyn balalardyń sporttyq quzǵa shyǵýmen aınalysýyna taptyrmaıtyn alǵashqy sek­sııa ekenin eske salamyz. Qazir osy ortalyqta 20-ǵa jýyq bala shynyǵady. «Autism Qadam» qory bir mezgilde ­14 jattyqtyrýshyny oqy­­typ, olardyń erekshe bala­lar­men jumys isteý daǵdyla­ryn meńgerýge yqpaldas­qan. Statıstıkaǵa zer sal­saq, keıingi onjyldyqta aýtıstik spektriniń bu­zylýy bar balalardyń sany on ese artqan. Búginde álemdegi árbir 36 bala sol qatarǵa ki­­redi. Aýtıstik spektriniń bu­zylýy baıqalǵan balalar­ǵa járdemdesýdiń keshendi, tıim­di tásilderiniń biri – sportqa baýlý. Osy tusta quz­ǵa shyǵý sporty barlyq bul­shyq et toptaryna belsendi áser etetin, fızıkalyq bel­sendilikti arttyratyn sport­tyń erekshe túri sanalatynyn taǵy bir eske salamyz. О́ıt­keni munda balalar epti, tózimdi bolyp, qozǵalysyn baqylaýdy úırenip qoımaı, logıkalyq oılaýyn damyta­dy. Ári sporttyń osy tú­rinde jaraqat alý qaýpi tó­men. Jyl ishinde «Qadam Special School» ortalyǵynyń tár­bıelenýshileri jalpy ál-aýqaty men densaýlyq jaǵ­­daıynyń aıtarlyqtaı jaq­sarǵany baıqalǵan.