ASTANA. 10 shilde. Búgin Qaraǵandynyń «Shahteri» men Astananyń «Astanasy» qarymta armenııalyq komandalardy utyp, Eýropa lıgasy irikteý raýndynyń kelesi kezeńine ótti. Bul týraly egemen.kz habarlady.
Qaraǵandyda jergilikti «Shahter» Armenııanyń Gıýmrı qalasynyń «Shırak» komandasyn qabyldady. Qarsylastardyń budan bir apta buryn armıan jerinde oınalǵan birinshi kezdesýinde qazaqstandyqtar 2:1 esebimen utyp qaıtqan edi. Al bul joly olar armenııalyqtardy 4:0 esebimen oısyrata utty.
Esep matchtyń 12-mınýtynda ashyldy. Alań ıeleriniń komanda kapıtany Andreı Fınonchenko sol qaptaldan Ulan Qonysbaev bergen dopty qaqpaǵa qaraı urdy. Ol qonaqtardyń qaqpashysynan keri qaıtyp, sosyn bir qorǵaýshysyna tıip, qaıtadan qaqpaǵa baǵyttalyp, jibek torǵa baryp top etti. Al 26-mınýtta Ulannyń ózi qaptaldan berilgen dopty basymen uryp, qaqpaǵa túsirdi.
Kenshiler munymen de toqtalǵan joq. Olar úziliske deıin taǵy bir gol salyp, esepti 3:0-ge jetkizdi. Ony komandanyń debıýtanty Nıkola Pokrıvach óz esebine jazdy. Ekinshi taım bastalǵannan keıin qaraǵandylyqtar oıynnyń aqyrǵy núktesin qoıdy. Ony 49-mınýtta Andreı Fınonchenko qaqpaǵa jóneltti. Osylaısha eki oıynnyń qorytyndysy 6:1 boldy.
Endi ekinshi kvalıfıkasııalyq raýndta «Shahter» Lıýksembýrgtiń «Dıfferdanj» jáne Klaıpedanyń «Atlantas» (Lıtva) komandalarynyń jeńgenimen oınaıdy.
Osynyń sońyn ala «Astana-Arenada» jergilikti «Astana» men Erevannyń «Pıýnık» komandalary arasyndaǵy oıyn aıaqtaldy. Ol 2:0 esebimen alań ıeleriniń paıdasyna sheshildi. Bul qarsylastardyń 3 shilde kúni Armenııa astanasynda ótken birinshi kezdesýinde Qazaqstan fýtbolshylary 4:1 Astanalyqtar esepti 13-mınýtta ashty. Ony Baýyrjan Jolshıev saldy. Al ekinshi gol meımandar qaqpasyna 80-mınýtta tústi. Ol Dmıtrıı Shomkonyń kúshimen salyndy. Sóıtip, eki oıynnyń esebi 6:1 boldy.
Damır Qojamqul.
Derekkóz: egemen.kz.
Foto: vesti.kz.