Búgin Astanadaǵy terrorızmge qarsy kúres jónindegi jedel shtab saǵat 11:00-den 16:00-ge deıin «Nurly jol» temirjol vokzalynda josparly terrorızmge qarsy oqý-jattyǵý ótkizedi, dep habarlaıdy Egemen.kz.
«Temirjol vokzalynyń qorshaýynda shekteý sharalary qarastyrylǵan. Osyǵan baılanysty azamattardy ótkiziletin oqý is-sharalaryna túsinistikpen qaraýǵa, qaýipsizdik sharalaryn saqtaýǵa jáne memlekettik organdardyń jumyldyrylǵan qyzmetshileriniń zańdy talaptaryn oryndaýǵa shaqyramyz», delingen Terrorızmge qarsy kúres jónindegi jedel shtabtyń habarlamasynda.
Is-sharanyń maqsaty - jedel shtab kúshteri men quraldarynyń terrorıstik kórinisterge shuǵyl den qoıý, terrorızm aktisiniń saldaryn azaıtý jáne joıý jónindegi mindetterdi oryndaýǵa daıyndyǵyn tekserý.