Búgin Astanada «Jasyl Astana» eko-aılyǵy aıasynda alǵashqy jalpyqalalyq senbilik ótti. Oǵan qatysqan belsendiler elordanyń bes aýdanyna segiz myńǵa jýyq jasyl jelek otyrǵyzdy, dep habarlaıdy Egemen.kz elorda ákimdiginiń resmı saıtyna silteme jasap.
Jalpyqalalyq senbilikke 62 myńnan astam adam qatysty. Olardyń ishinde qala turǵyndary, eńbek ujymdary, memlekettik organdardyń qyzmetkerleri, bıznes ókilderi jáne t.b. bar. Olardyń árqaısysy elordada tazalyq pen tártiptiń ornaýyna óz úlesin qosty.Qala turǵyndary búkil kireberister men óz aýlalarynyń tazalyǵyna atsalysty.
Senbilikke qatysýshylar óz ýchaskelerin belsendi túrde kógaldandyrdy. Bir kúnde qalada segiz myńǵa jýyq aǵash otyrǵyzyldy.«Aýlamyzǵa aǵash otyrǵyzyldy. Ýaqytyly kútim jasalsa qorshaǵan ortaǵa paıdasy zor bolmaq. Aptap ystyqta kúnnen qorǵaıdy dep senemiz. Kórshilerimizben birge aǵash otyrǵyzyp, aınalany birge tazarttyq», dedi astanalyq Mıhaıl Proshın.Senbilik barysynda elordadan myń tonnadan astam qoqys jınalyp, shyǵaryldy. Qalanyń 3,3 mln sharshy metrden astam jeri tazartyldy.Elordada senbilikter serııasy aldaǵy ýaqytta da jalǵasady.