Jańajol ken ornyndaǵy №2 gaz óńdeý zaýytynda órt shyqty, dep habarlaıdy Egemen.kz jergilikti ákimdiktiń baspasóz qyzmetine silteme jasap.
Oqıǵa 1 mamyrda saǵat 15:55-te bolǵan. 112 pýltine Muǵaljar aýdany Batpaqkól aýyldyq okrýgi Jańajol ken ornynda «SNPS-Aqtóbemunaıgaz» AQ №2 gaz óńdeý zaýytynyń aýmaǵynda ÝPLÝ-1 órtengeni týraly habarlama túsken.
Kúıik shalǵan 4 jumysshy Temir aýdanynyń ortalyq aýrýhanasyna shuǵyl túrde jatqyzylǵan. Zardap shekkender turaqty aýyr jaǵdaıda.
«Aqtóbe oblysynyń ákimi Eraly Toǵjanovtyń tapsyrmasymen oblystyq TJD ókilderi oqıǵa ornyn áýeden tekserdi. О́rtti joıý boıynsha jedel shtab quryldy. Oqıǵanyń sebep-saldary anyqtalyp jatyr. О́rtti sóndirýge 52 qutqarýshy men 9 tehnıka jumyldyryldy», delingen habarlamada.
О́rt 2 mamyrda saǵat 06:20-da sóndirildi.