Qarjy jáne bıýdjet komıtetiniń depýtattary «Kedendik tranzıttiń kedendik rásimine sáıkes taýarlardy tasymaldaý (tasý) kezinde kedendik bajdardy, salyqtardy, arnaıy, dempıngke qarsy, ótemaqy bajdaryn tóleý jónindegi mindettiń oryndalýyn qamtamasyz etýdi qoldanýdyń erekshelikteri týraly kelisimdi ratıfıkasııalaý týraly» zańdy talqylady, dep habarlaıdy Egemen.kz Senattyń baspasóz qyzmetine silteme jasap.
Kelisimdi ratıfıkasııalaý kedendik tranzıt kezinde kedendik bajdardy, salyqtardy, arnaıy, dempıngke qarsy, ótemaqy bajdaryn tóleýdi oryndaýdyń neǵurlym tartymdy júıesin qurýǵa baǵyttalǵan. Atap aıtqanda, kelisim kedendik tólemderdi tóleý mindetin oryndalýyn qamtamasyz etýde jumys tájirıbesi bar negizgi deklaranttarǵa, sondaı-aq kelisimge sáıkes ulttyq kepilger dep tanylǵan kepilgerlerge ońaılatylǵan júıeni qoldaný múmkindigin kózdeıdi.
Qujat EAEO-nyń tranzıttik áleýetin odan ári damytýǵa yqpal etedi, tranzıttik tasymaldardy jasaý kezinde syrtqy ekonomıkalyq qyzmetke qatysýshylardyń shyǵyndaryn azaıtýǵa yqpal etedi. Sondaı-aq bızneske «kepilgerlik» ınstıtýtyn damytýǵa jáne qalyptastyrýǵa qatysýǵa múmkindik beredi, bul óz kezeginde tasymaldaýshylar úshin jaǵdaıdy jaqsartatyn bolady.