Jelide 17-qabattyń terezesin saqtandyrýsyz jýǵan elorda turǵynynyń vıdeosy tarady. Qaýipsizdik sharalaryn saqtamaǵan áıel adam kópshiliktiń úreıin ushyrdy, dep habarlaıdy Egemen.kz.
Qaýipsizdik talaptaryn saqtamaǵan kelinshektiń bul áreketine tańǵalǵan jeli qoldanýshylary «ómir tazalyqtan artyq» dep, jaǵalaryn ustady. Tipti, «enesi kele jatqan shyǵar» dep ázildep jazǵandary da boldy.
Astana TJD ókilderi de bul jaǵdaıǵa qatysty pikir bildirdi.
«Jyl basynan beri elordada úsh bala terezeden qulaǵan. Osyǵan uqsas jaǵdaılar qaýipsizdik sharalaryn elemegendikten bolady. Qaýipsizdik talaptaryn eresekter de saqtaýy tıis», delingen habarlamada.