Onlaın-qyzmetter iske qosylǵan sátten bastap olardy 7 mıllıonnan astam azamat paıdalandy, onyń ishinde 167 myń adam júrgizýshi kýáligin qashyqtan aýystyrǵan, dep habarlaıdy Egemen.kz.
Endi avtokólik ıeleri budan bylaı qujattaryn ózimen birge alyp júrýge mindetti emes. Sebebi qujattardyń sıfrlyq analogtary paıda boldy. Bul kólik júrgizýshileri úshin óte tıimdi. Qujattyń merzimi ótýine shaq qalǵanda júrgizýshige arnaıy sms keledi. Azamattar qujatyn ýaqytyly aýystyra alady.
Aıta ketý kerek, buryn jyl saıyn HQKO-ǵa qoldanylý merzimi ótip ketken júrgizýshi kýálikterin aýystyrý úshin 400 myńǵa jýyq azamat júginetin.
«Endi júrgizýshi kýáligin onlaın rejımde ekinshi deńgeıli bankterdiń mobıldi qosymshalary arqyly aýystyrýǵa bolady. Júrgizýshi kýáligin jańartý úshin osyndaı qosymshalardyń birine kirip, bıometrııalyq tekserýden ótip, óz smartfonyńyzǵa sýretke túsý jetkilikti. О́tinim IIM derekqorynda óńdelgennen keıin jańa júrgizýshi kýáligi 10-15 mınýt ishinde avtomatty túrde shyǵarylady. Azamat HQKO-dan jańa qujatty ózine yńǵaıly kez kelgen ýaqytta ala alady, al avtokólikti smartfondaǵy sıfrlyq júrgizýshi kýáligi nusqasy boıynsha birden basqara berýine bolady», delingen Ishki ister mınıstrliginiń habarlamasynda.