Jańaózen qalasynda «QazMunaıGaz» ulttyq kompanııasynyń «О́zenmunaıgaz» (О́MG) jáne qaladaǵy ózge munaı servıs kásiporyndarynyń qyzmetin tekserý jónindegi arnaıy jumys tobynyń jumysy jalǵasyp jatyr, dep habarlaıdy Egemen.kz.
QMG jumys toby túngi tekseris kezinde qyzmetkerlerdiń jumys oryndarynda bolmaýy, túngi aýysym kezinde eńbek mindetterin oryndamaýy, qoldan jasalyp, qurastyrylǵan quraldar men materıaldardy, onyń ishinde órt qaýpi bar ýchaskelerde paıdalanǵan jaǵdaılardy anyqtaǵan. Sondaı-aq tabelde jumys istegen ýaqytyn asyra kórsetken faktiler belgili boldy.
Talap etilgen ýaqytta jumys ornyna múldem kelmegen adamdardy jumysqa ornalastyrý boıynsha eki jaǵdaı tirkeldi.
QMG jumys tobynyń málimetinshe, qyzmetker naqty bir salanyń mamany retinde jumysqa alynyp, bir aıdan keıin basqa qyzmetke aýysqan jaǵdaılar bar. Mysaly, byltyr jumys izdeýshi kompanııaǵa 3-razrıadty elektr gazben dánekerleýshi retinde qabyldanyp, bir aıdan keıin 5-razrıadty ekskavator mashınısi qyzmetine aýystyrylǵan. Onyń ústine qyzmetkerdiń taǵylymdama kezindegi kartasynda «ótpedi» degen baǵa tur.
Sondaı-aq tekseris qorytyndysy boıynsha 2019-2021 jyldardaǵy qubyrlar men qubyr ónimderi boıynsha derekterde sáıkessizdik anyqtaldy. Atap aıtqanda, arnaıy baǵdarlamalyq jasaqtamada esepke alý men tirkeýde derekterdiń sáıkes kelmeýi baıqalady. Al bul óz kezeginde derekterdi manıpýlıasııalaýǵa jol ashýy múmkin. Sorǵy-kompressorlyq qubyrlar men shtangalar jetkizýshilerden tonnamen qabyldanady, al olardy óndiriske aýystyrǵan kezde ólshem birligi danaǵa aýystyrylady, bul keıin ónimniń naqty paıdalanylǵanyn tekserýdi aıtarlyqtaı qıyndatady.
Budan basqa, О́MG-niń munaı uńǵyma qubyrlaryn paıdalaný qyzmet etý merzimin 7 jyldan 2,5 jylǵa deıin tómendetý negizdemesi qosymsha tekseriledi. 2022 jyldyń 31 jeltoqsanyndaǵy jaǵdaı boıynsha 26 mlrd teńge somaǵa paıdalanylǵan munaı uńǵyma qubyrlarynyń jınaqtalyp qalýy suraq týǵyzady. Olardyń jınalý jáne metall synyqtarynyń ýaqtyly ótkizilmeý sebepteri anyqtalyp, tolyq tekseris aıaqtalǵan kezde tıisti qorytyndylar jasalady.