Almatyda sambo kúresinen halyqaralyq týrnır ótedi. Bul týraly О́ńirlik kommýnıkasııalar qyzmeti alańynda «Dınamo» dene shynyqtyrý-sport qoǵamy» qoǵamdyq birlestigi tóraǵasynyń birinshi orynbasary Asqar Omarqulov aıtty, dep habarlaıdy Egemen.kz.
Jarys «Dınamo-Qazaqstan» dene shynyqtyrý-sport qoǵamynyń 100 jyldyq mereıtoıyna jáne general Rústem Qaıdarovty eske alýǵa arnalǵan.
Spıker atap ótkendeı, týrnır Ishki ister mınıstrligi, «Generaldar keńesi» qoǵamdyq birlestigi, «Dınamo-Qazaqstan» dene shynyqtyrý-sport qoǵamy men QR sambo kúresi federasııasynyń uıymdastyrýymen ótedi.
«Týrnır bıyl besinshi ret uıymdastyrylady. Oǵan Tájikstan, Qyrǵyzstan, О́zbekstan men elimizdiń ár óńirindegi quqyq qorǵaý organdarynyń sportshylary qatysady. Týrnırde birinshi oryn alǵan sportshyǵa «sport sheberi» ataǵy beriledi. Jarys 5-7 mamyr kúnderi Almatyda Armııa ortalyq sport klýbynyń sport kesheninde ótedi», dep túıindedi A.Omarqulov.