2 mamyrda Býrabaı aýdandyq sotynyń úkimimen kazınonyń zańgeri para bergeni úshin sottaldy. Sondaı-aq ol jıyrma ese mólsherde aıyppul tóleıtin boldy. Aıyppul somasy 184,5 mln teńgeni quraıdy, dep habarlaıdy Egemen.kz.
Antıkordyń málimetinshe, ol prokýratýra qyzmetkerine kazınonyń qarjylyq qyzmetin tekserý nátıjelerin oń sheship bergeni úshin 20 myń AQSh dollary kóleminde para bergen.
«Sottalǵan memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan aıyryldy. Úkim zańdy kúshine engen joq», delingen habarlamada.