Kongo Demokratııalyq Respýblıkasynyń (KDR) shyǵysyndaǵy Ońtústik Kıvý provınsııasynda bolǵan sý tasqynynan qaza tapqandar sany 176-ǵa jetti. Bul týraly provınsııa gýbernatory Teo Ngvabıje Kası aıtty, dep habarlaıdy Egemen.kz Anadolu agenttigine silteme jasap.
Býshýshý men Nıamýkýbı aýyldarynda túni boıy tolassyz jaýǵan jańbyr Chıbıra ózeniniń arnasynan asyp ketýine sebep boldy. О́ńir turǵyndarynyń birazy iz-túzsiz joǵalyp ketken. Izdestirý-qutqarý jumystary jalǵasyp jatyr. Buǵan deıin tabıǵı apattan 72 adam zardap shekkeni habarlanǵan bolatyn.
Tropıkalyq klımattyq beldeýde ornalasqan Kongo Demokratııalyq Respýblıkasy jańbyrly maýsymda jıi tabıǵı apattarǵa tap bolady.