7 mamyrda Jetisý oblysynyń Aqsý aýdanynda Hyundai Tucson jáne GAZ-53 avtokólikteriniń qatysýymen jol-kólik oqıǵasy boldy, dep habarlaıdy Egemen.kz Polisia.kz Telegram arnasyna silteme jasap.
Almaty-О́skemen tas jolynyń 360 shaqyrymynda krossoverdiń júrgizýshisi júk kóligin basyp ozýǵa árekettenip, onymen janama soqtyǵysyp, nátıjesinde jol jıegine shyǵyp ketip, aýdaryldy. 54 jastaǵy áıel adam oqıǵa ornynda kóz jumdy. Hyundai júrgizýshisi men taǵy bir jolaýshy túrli jaraqattarmen jaqyn jerdegi aýrýhanaǵa jetkizildi.
Jol-kólik oqıǵasy boıynsha qajetti saraptamalar taǵaıyndalyp, sotqa deıingi tergeý amaldary bastaldy.