Almaty qalasy Medeý aýdanynda kópqabatty úıde órt shyqty. Páter ishinde qalǵan zeınetker qutqaryldy, dep habarlaıdy Egemen.kz.
Oqıǵa 5 mamyr kúni tańǵy saǵat 07:23-te bolǵan. Medeý aýdanyndaǵy Jibek joly dańǵyly, 37 mekenjaıyndaǵy bes qabatty úı órtengen. О́rt sóndirýshiler oqıǵa ornyna 5 mınýttan soń jetken. Olar kelgen ýaqytta 5-qabatta ornalasqan as bólme men balkon órtenip jatqan.
«Búkil páter bólmeleri ýly tútinge tolǵan. Gaz-tútinnen qorǵaý qyzmetiniń býyny esikti ashyp, páterge kirdi. Barlaý barysynda 1955 jyly týǵan er adam es-tússiz kúıde tabyldy. О́rt sóndirýshiler er adamǵa arnaıy tútinnen qorǵaıtyn qutqarý qalpaqshasyn kıgizip, taza aýaǵa shyǵaryp, alǵashqy medısınalyq kómek kórsetti. Qazirgi ýaqytta er adamnyń densaýlyǵy birqalypty. Qabyldanǵan sharalardyń arqasynda órttiń úıdiń shatyryna taralýyna jol berilmedi», delingen qalalyq TJD baspasóz qyzmetiniń habarlamasynda.
О́rt saǵat 07:45-te oqshaýlanyp, 07:49-da sóndirildi.