Almaty oblysynda Qyzyl kitapqa engen sileýsin fototuzaqqa ilinip qaldy, dep habarlaıdy Egemen.kz Ekologııa jáne tabıǵı resýrstar mınıstrliginiń baspasóz qyzmetine silteme jasap.
Ekologııa mınıstrliginiń málimetine súıensek, bul janýar sońǵy eki jylda alǵash ret Sharyn ulttyq parkindegi Buǵyty taý ýchaskesine ornatylǵan fototuzaq obektıvine túsip qalǵan.
«Bul jyrtqysh negizinen túnde belsendi, ońaı ári eshbir dybys shyǵarmaı qozǵalady. Al terisiniń ala bolyp kelýi, aǵash arasyna ońaı jasyrýyna kómektesedi, kún sáýlesinen túsken jaryqtan sútqorekti kózge baıqalmaı qalady», delingen sınıstrlik taratqan habarlamada.
Aıta ketsek, shabýyldaýǵa daıyndalǵan jyrtqysh mysyq 4 metrge deıin sekire alady. Al sileýsinniń eresek daraǵy bir kúnde 30 shaqyrymǵa deıingi qashyqtyqty eńsere alady.