Bokstan álem chempıonaty fınalynda 80 keli salmaq dárejesinde Nurbek Oralbaı Qytaı quramasynyń boksshysy Toqtarbek Tańathanmen judyryqtasyp, chempıon atandy dep habarlaıdy Egemen.kz.
Nurbek Oralbaı Qazaqstan quramasyna tórtinshi altyndy syılady.
Ol ótken jyly Azııa chempıonatynda qola júlde alǵan edi. Al 2018 jyly jastar arasynda álem chempıony atanǵan bolatyn.
Al onyń qarsylasy Toqtarbek Tańathan - Qytaı quramasy atynan qatysyp jatqan etnıkalyq qazaq.
Ol jarys barysynda sensasııa jasap, 80 kelige deıingi salmaq dárejesinde eki dúrkin álem chempıony kýba boksshysy jáne 2015 jylǵy álem chempıony Arlen Lopesti jeńgen bolatyn.
Aıta keteıik, álem chempıony Nurbek Oralbaı Imam Hataevty jeńip, fınalǵa ótken bolatyn.