Elorda turǵyndarynyń talap-tilegi

Qala ákiminiń «Internasıo­nal­nyı», «Kúıgenjar», «Mıchýrıno» eldi mekenderiniń turǵyndarymen kez­desýinde birqatar másele qoz­ǵal­dy. Mundaǵy máseleler negi­zinen ın­jenerlik jeliler, áleý­mettik ny­sandar, joldar sapasy, jaryq­tan­­dyrý jáne qııýy qashyp turǵan basqa da jaǵdaılarǵa qatysty boldy. Osy oraıda turǵyndar ákimge sýmen jabdyqtaý, elektr energııasy, avtobýstardy iske qosý boıynsha naq­ty suraqtaryn qoıdy.

«Jazda qosymsha aýyz sý stansasyn (SSS-3) iske qosýdy kózdep otyr­myz. Bul búkil qala boıynsha sý máselesin sheshýge múmkindik bere­di. Sondaı-aq qalaǵa jylýmen, elektrmen jabdyqtaýda qo­symsha kúsh beretin birqatar tir­shi­likti qamtamasyz etý júıeleri ny­sandarynyń qurylysyn aıaqtaý jos­parda tur. Sonymen qatar bıyl 11 mektep, 6 myńǵa jýyq áleýmettik páterdi paıdalanýǵa tapsyramyz. Buǵan qosa 14 mektep salynyp jatyr. Sondaı-aq qalaǵa 400-500 avtobýs jetkizemiz, eki jyl ishinde ınvestorlar esebinen 40-qa jýyq balabaqsha salynady», dep jaýap berdi J.Qasymbek.

Kezdesýde qala basshysy tur­ǵyn­dar kótergen máseleler sheshiletinin, onyń bári kezeń-kezeńimen iske asyratynyn atap ótti.

Munyń aldynda Astana áki­mi qurylysy uzaqqa sozylǵan nysan­dar­dyń úleskerlerimen de kezdesti. Atap aıtqanda, ákim «Zere-2», «Arabı 2 – Granıtnyı 2», «Mırnyı dom», «Korgaljınskıı kvartal» sııaq­ty qurylysy turalap turǵan nysan­dardy aralap shyqty.

«Biz qurylysy sozbalańǵa salynǵan nysandardy nazarda us­taı­­myz. О́ıtkeni turǵyndardyń máse­lesin sheshýmen qala tirshiligi jan­dana beredi. Sondyqtan osyndaı «sa­qal­dy» qurylysqa jipsiz baılanyp, óz páterin 10 jyldap saryla kútip júr­gen turǵyndardy qashanda qoldaý kór­setýge ázirmiz. Máselege kelsek, keıbir nysandardyń qurylysy kes­­teden qalyp barady, al endi bir jerinde qurylys sapasy kóńilge qonymsyz. Qurylys salýshylardyń moınynda jumys qarqynyn arttyrý, qurylys maýsymyn barynsha paıdalaný, sol sııaqty sapaǵa erekshe kóńil bólý mindetteri tur. Jylý berý maýsymyna deıin nysandar jylý júıesine qosylýy kerek. Qurylys salýshylar qatardaǵy jaı nysan retinde qarastyrmaýy kerek, onyń artynda óz páterin jyldar boıy kútip júrgen jandardyń taǵdyry bar», deıdi elorda ákimi.