Kópqabatty úıdiń terezesinen kúshikti laqtyryp jibergen Pavlodar turǵyny anyqtaldy, dep habarlaıdy Egemen.kz Rolisia.kz-ke silteme jasap.
Áleýmettik jelilerge monıtorıng jasaý kezinde jergilikti turǵyndar terezeden kúshikti laqtyryp jibergen kórshisine shaǵymdanǵan. Pavlodar qalasynyń polısııa qyzmetkerleri bul vıdeony tekserip, janýarǵa qııanat jasaǵan adamdy tapty.
Monıtorıng nátıjeleri boıynsha, 54 jastaǵy qala turǵyny kúshikti Toraıǵyrov kóshesindegi úıdiń úshinshi qabatynan laqtyrǵany anyqtaldy.
Er adam ishimdikke mas bolǵandyqtan ýaqytsha beıimdeý jáne detoksıkasııa ortalyǵyna ornalastyryldy.
QR Qylmystyq kodeksiniń 316-baby boıynsha sotqa deıingi tergeý bastaldy.