Kúı tarıhy qyzyq qoı. Kúıdi tyńdaǵanymyz bolmasa onyń shyǵý tarıhy men mánin asa bile bermeımiz.
Bul kúı - ǵashyqtyqtan týǵan kúı. Kórikti de qylyqty arý bozbalanyń jary bolmasa da, júrektegi sezimin qozǵap, dombyranyń shanaǵynan tógilgen sazyna aınalǵan.
Jigittiń kóz aldynda qulpyryp ósken kórshi qyzǵa kóńili qulaıdy. Biraq sezimin bildirýge batyly jetpeıdi. Bozbala júrek sózin aıta almaı júrgende, bireýler qyzǵa quda túsip keledi eken. Kóńili alaburtyp, alaı-dúleı bolǵan ǵashyq jigit ne isterin bilmeı, «alyp qashsam ba» dep bir oılaıdy. Biraq oǵan da júregi daýalamaıdy.
Aqyry súıgeni kóz aldynda kete barady. Syrtqa shyǵa almaǵan, súıgen qyzyna sóz bop aıtylmaǵan sezim kúı bolyp dúnıege keledi. Sol kúı - «Erke sylqym».
Kúıdiń avtory Ábdimomyn Jeldibaev bir sózinde keıipkerdiń ajary taımaǵan ardaqty áje ekenin, sońǵy ret kezdeskende: «Saǵan degen mahabbatymdy báribir eshkim óshire almaıdy», degenin aıtady.
Aıta ketsek, 2011 jyly Shý qalasyndaǵy kúre joldyń boıyna «Erke sylqym» kúıine arnalǵan arnaıy eskertkish ornatylǵan.