Elorda kúnine oraı avtorlar arasynda úzdik jarııalanymdar, reportajdar, BAQ jáne áleýmettik jelilerdegi Astananyń damýy týraly sıýjetter baıqaýy bastalady, dep habarlaıdy Egemen.kz qala ákimdiginiń baspasóz qyzmetine silteme jasap.
Baıqaýǵa qatysýǵa barlyq qazaqstandyq jýrnalıster shaqyrylady. Baıqaýdy Astana qalasynyń Ishki saıasat basqarmasynyń qoldaýymen qalalyq Kommýnıkasııalar qyzmeti uıymdastyrady.Astana týraly 2022 jyldyń 1 maýsymynan 2023 jyldyń 16 maýsymyna deıingi kezeńde jarııalanǵan/efırge shyqqan memlekettik tildegi jáne orys tilindegi materıaldar qabyldanady. Bir qatysýshy konkýrsqa 1 materıaldan artyq emes jáne tek bir nomınasııa boıynsha usyna alady.Baıqaý kelesi nomınasııalar boıynsha ótkiziledi:1) «Úzdik jýrnalıst-sarapshy» – elorda týraly baspa basylymdarynda jaryq kórgen saraptamalyq materıaldar;2) «Úzdik sholýshy» – Astana qalasynyń áleýmettik-ekonomıkalyq damýy týraly ınternet-basylymdardaǵy materıaldar;3) «Úzdik radıoreportaj» – Astanaǵa arnalǵan radıosıýjetter;4) «Úzdik telesıýjet» – qala ómiri týraly telesıýjetter;5) «Úzdik mobılograf» – megapolıs ómiri týraly beınerolıkter;6) «Úzdik fotoreportaj» – Astana týraly fotosýretter;7) «Áleýmettik jelidegi Astananyń 25 jyldyǵy týraly úzdik materıal» arnaıy nomınasııasy – áleýmettik jelidegi úzdik materıaldardy anyqtaýǵa baǵyttalǵan. Áleýmettik jelilerdegi (Facebook, Instagram jáne TikTok) tanymal toptar men pablıkter qatysýǵa ótinish bere alady.Nomınasııalar boıynsha jeńimpazdardy belgili jýrnalısterden, medıa-sarapshylardan jáne elordadaǵy osy salanyń qurmetti ókilderinen quralǵan konkýrstyq komıssııa aıqyndaıdy.Eń úzdik jumys aqshalaı sertıfıkattarmen yntalandyrylady. Birinshi oryn úshin 1 mıllıon teńge, ekinshi oryn úshin – 500 myń teńge, úshinshi oryn úshin – 300 myń teńge.О́tinimder 2023 jyldyń 16 maýsymyna deıin myna elektrondyq poshta arqyly qabyldanady: sluzhbakommunikatsiy@mail.ru.Uıymdastyrý komıtetiniń baılanys telefony: 8 (702) 407-52-82.Baıqaýdyń erejesin Astana qalasynyń ákimdigi saıtynan kórýge bolady.