Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattary memlekettik organdardyń ókilderimen kezdesip, aǵymdaǵy jyldyń sáýir aıynyń sońynda Jetisý óńirine sapary barysynda aıtylǵan usynystardy júzege asyrý barysyn talqylady, dep habarlaıdy Egemen.kz.
О́ziniń alǵy sózinde Komıtet tóraǵasy Álı Bektaev Senat depýtattary elimizdiń barlyq óńirlerimen tyǵyz baılanys ornatyp, osy óńirlerdiń ózekti máselelerin respýblıkalyq deńgeıde kóterip, olardyń sheshilýine múddeli ekenin atap ótti.
Jıyn barysynda Ekologııa jáne tabıǵı resýrstar mınıstrligi Sý resýrstary komıtetiniń ókili «Jumyspen qamtýdyń jol kartasy» baǵdarlamasy boıynsha respýblıkalyq bıýdjet esebinen oblysta sýarý jelileri men sý sharýashylyǵy nysandaryn qaıta qurý boıynsha atqarylyp jatqan aýqymdy jumystarǵa toqtaldy.
Shara nátıjesinde qatysýshylar aýyldyq aýmaqtardy odan ári damytýǵa baǵyttalǵan birqatar usynystar ázirledi.