О́tken jyly Qazaqstan azamattary mýzeıge 6 097 myń ret barsa, 2021 jyly 5 104 myń ret bolǵan. Halyqaralyq mýzeı kúnine oraı Ulttyq statıstıka bıýrosy mádenı mekemege barýshylar jaıly statıstıkalyq málimet usyndy, dep habarlaıdy Egemen.kz.
Mýzeıge barýshylardyń basym bóligi Túrkistan oblysynda – 1 492 myń kelýshi, odan keıin Astanada – 643 myń kelýshi jáne Shyǵys Qazaqstan oblysynda – 564 myń. Bul rette mýzeı aralaıtyn adamdardyń eń azy Shymkent qalasynda turatynyn aıta ketý kerek – 43 myń.
Shymkent qalasynda mýzeı sany da kóp emes - nebári beseý.
Jalpy 2023 jyldyń 1 qańtarynda Qazaqstanda barlyǵy 271 mýzeı jumys istese, bir jyl buryn onyń sany jetige azaıǵan.
Kósh basynda mýzeı sany boıynsha Túrkistan oblysy tur – 27 mýzeı.
Aqtóbe oblysynda 20 mýzeı jáne Almaty qalasy men Batys Qazaqstan oblysynyń árqaısynda 19 mýzeı jumys istep tur.
271 mýzeıdiń 48-i – tarıhı, 109-y – ólketaný, 65-i – memorıaldyq, taǵy 14-i – qoryq mýzeı, 11-i – ónertaný jáne basqa.
Mýzeılerde barlyǵy 2,6 mıllıon eksponat saqtaýly tur.