Abaı oblysynyń aýmaǵynda úsh táýlik boıy úzdiksiz lapyldaǵan qyzyl jalynnyń beti qaıtar túri joq. О́zimizdegi jáne kórshiles óńirlerden jetken barlyq qyzmet baryn salyp arpalysyp jatqanymen Reseıdiń Altaı ólkesinen bastalǵan órttiń óshýi ońaıǵa soqpaı tur. Soǵan baılanysty keshe Borodýlıha aýdanynda tótenshe jaǵdaı jarııalanýǵa tıis bolatyn. Keshegi kúngi málimet boıynsha tilsiz jaý «jalmaǵan» aýmaqtyń kólemi – 3,5 myń gektarǵa jetti. Jergilikti bılik ókilderiniń sózine sensek, tilsiz jaýmen áli de arpalysýǵa týra keletin sııaqty. О́ıtkeni kún raıy bizge kómektespeı tur.
«Qazirgi qolda bar málimet boıynsha, órttiń úsh oshaǵynda jalyn sóndirildi. Endi ol aýmaqtarda jaǵdaı alańdatarlyqtaı emes. Tańerteń tikushaqpen aýmaqty túgel sholyp shyqtyq. Biraq munda jumys áli birneshe kúnge jalǵasatyn túri bar. Aýa raıy da qolaısyzdaý bolyp tur. Byqsyp jatqan órt qaldyqtary alańdaýshylyq týǵyzbas úshin ol oshaqtardy qaıta-qaıta sóndirip álekpiz. Tilsiz jaý tolyqtaı óshirilgenshe sóndirý jumystary jalǵasa beredi», deıdi Abaı oblysy ákiminiń orynbasary Dmıtrıı Garıkov.
Tótennen kelgen tilsiz jaýdan qansha shyǵyn kelgeni áli eseptele qoıǵan joq. Degenmen órtti óshirýge ketken materıaldyq shyǵyn qordan tólenetini belgili boldy. Apat aımaǵyna jaqyn mańdaǵy Berezovka aýylynyń 108 turǵyny apat kezinde úılerin tastap, bas saýǵalap ketýge májbúr bolǵan. Qazir turǵyndar óz shańyraqtaryna qaıta orala bastady.
Abaı oblysy