Negizgi UBT bastalǵannan beri 40 myńnan astam túlek test tapsyrdy. Onyń ishinde talapkerlerdiń 70%–y qazaq tilinde, 30%-y orys tilinde, 50 túlek aǵylshyn tilinde testileýden ótti, dep habarlaıdy Egemen.kz Ǵylym jáne joǵary bilim mınıstrligine silteme jasap.
UBT bastalǵaly beri shekti baldy 76%-ǵa jýyq talapker jınady. Ortasha ball - 68. Eń joǵary ball – 137.
«Negizgi UBT-nyń birinshi aptasy aıaqtaldy. Testileý 5 shildege deıin ótedi. Testileýge qatysýǵa eki múmkindikti esepke alǵanda 305 myńǵa jýyq ótinish kelip tústi. Qazirgi tańda testilenýshilerdiń basym bóligi, atap aıtqanda, 20%-y «Matematıka-Fızıka» pánder kombınasııasyn tapsyrdy. 14%-y «Bıologııa-Hımııa» kombınasııasyn tańdaǵan. Eń az tańdalatyn kombınasııa – «Hımııa-Fızıka», ony 50 adam tapsyrǵan», dedi Ulttyq testileý ortalyǵynyń dırektory Rýslan Emelbaev.