Germanııanyń halyqaralyq yntymaqtastyq qoǵamy (GIZ) Sý resýrstary jáne ırrıgasııa mınıstrligine 240 jańa tehnıka beredi. Onyń ishinde 110 júıelik blok, 50 planshet, 60 noýtbýk jáne 20 monıtor bar, dep habarlaıdy Egemen.kz.
Bul tehnıka basseındik sý ınspeksııalaryna beriledi. Qazirgi tańda mınıstrlik 130 tehnıkany qabyldap úlgerdi. Qalǵan 110-y jyl sońyna deıin jetkiziledi.
Tehnıkalyq jabdyqtaý 2023 jyldyń qazan aıynda Sý resýrstary jáne ırrıgasııa mınıstrligi men GIZ arasynda jasalǵan kelisim aıasynda júzege asyp jatyr.
«Jańa tehnıka eldiń sý qoryn qorǵaýmen aınalysatyn basseındik ınspeksııalardyń jumys tıimdiligin arttyrýǵa múmkindik beredi. Tehnıkalyq jabdyqtaýmen qatar, mınıstrlik qurylǵannan beri ınspeksııa bólimderi ár oblys ortalyǵynda ashyldy, al qyzmetkerler sany eki esege artty. Sonymen birge byltyr qabyldanǵan Sý kodeksi ınspektorlardyń baqylaý jáne qadaǵalaý ókilettikterin keńeıtti», dedi Sý resýrstary jáne ırrıgasııa mınıstriniń birinshi orynbasary Nurlan Aldamjarov.
Ulytaý oblysynda sý tasqyny qaýpi bar aýdandar tekserildi