Atalǵan keshendi baǵdarlama jumyspen qamtýdy yntalandyrý, jalaqyny ósirý, kásipkerlikti damytý jáne turaqty jumys oryndaryn qurýdy qamtıdy, dep habarlaıdy Egemen.kz.
Ulttyq ekonomıka mınıstrliginiń málimetinshe, bul qujat el azamattarynyń ál-aýqatyn júıeli túrde arttyrýǵa baǵyttalǵan naqty sharalar keshenin biriktiredi. Sonyń ishinde kommýnaldyq sala qyzmetkerleriniń, azamattyq qyzmetshilerdiń jáne aýyl sharýashylyǵy salasy mamandarynyń jalaqysyn ulǵaıtý kózdelgen.
2026-2028 jyldary halyqtyń tabysy ınflıasııadan joǵary qarqynmen jyl saıyn 2-3%-ǵa ósedi
Baǵdarlama aıasynda eńbekaqy tóleý qorynyń úlesin arttyrý, sondaı-aq óńdeý ónerkásibinde jańa jumys oryndaryn ashý josparlanyp otyr. Budan bólek, eksportqa baǵdarlanǵan kásiporyndardy qoldaý arqyly ekonomıkanyń turaqty ósimine serpin berý kózdelgen.
Halyqtyń qarjylyq júktemesin azaıtý da negizgi basymdyqtardyń biri. Osy maqsatta komıssııalar men túrli tólemder arqyly túsetin aýyrtpalyqty tómendetý sharalary qarastyrylǵan. Sonymen qatar, iri kásiporyndardyń áleýmettik jobalaryn iske asyrý arqyly óńirlerdegi áleýmettik turaqtylyqty nyǵaıtý kózdeledi.
Halyqtyń tabysyn ulǵaıtý baǵdarlamasy qabyldandy
Mınıstrlik ókilderiniń aıtýynsha, 2026 jyl azamattar tabysynyń turaqty ósý trendin qalyptastyrýda sheshýshi kezeń bolmaq.
Sondaı-aq vedomstvo memlekettik derekterdiń ashyqtyǵyn qamtamasyz etý jáne olardy durys túsindirý baǵytyndaǵy jumysty jalǵastyratynyn málimdedi.
Ekonomıkalyq ósim halyqtyń tabysyna qalaı áser etedi?