Bas prokýratýranyń Quqyqtyq statıstıka jáne arnaıy esepke alý komıtetiniń Qylmystyq qaýip-qaterler men qoǵamdyq qaýipsizdik táýekelderin boljaý ortalyǵy alaıaqtyqtyń jańa ádisi týraly eskertti, dep jazady Egemen.kz.
Sheteldik derekkózderdiń aqparaty boıynsha alaıaqtar jappaı messendjerler men SMS arqyly «jiberip alǵan jetkizilim» týraly jalǵan habarlamalar jiberedi.
Bir qaraǵanda mundaı habarlamalar zııansyz kórinedi jáne kýrerlik qyzmetterdiń standartty habarlamalaryn eske salady. Mátinde kýrerdiń sálemdemeni tapsyra almaǵany jáne jetkizilimdi qaıta resimdeý úshin arnaıy paraqqa kóshýdi usynatyny kórsetiledi.
Alaıda, kórsetilgen mekenjaı logıstıkalyq kompanııalardyń resmı resýrstaryna tolyǵymen uqsaıtyn jalǵan saıtqa aparady.
Paıdalanýshyǵa jeke málimetterin, turǵylyqty mekenjaıyn kórsetý, sondaı-aq jetkizilimdi qaıta jetkizý úshin az somany tóleý usynylady.
Tıisti aqparatty engizgennen jáne tólem tólegennen keıin qylmyskerler qupııa derektermen bank derektemelerine qol jetkizedi, bul qarjylyq shyǵyndarǵa ǵana emes, sondaı-aq Sizdiń derbes derekterińizdi qylmystyq shemalarda ári qaraı paıdalanýǵa da ákelýi múmkin.
Alaıaqtardyń qurbany bolmaý úshin qarapaıym, biraq mańyzdy saqtyq sharalaryn saqtaý qajet:
eger Siz jetkizilimdi kútpeıtin bolsańyz, messendjer jáne SMS habarlardan siltemeler arqyly ótpeý kerek; saıt mekenjaıyn muqııat tekserý kerek, alaıaqtyq resýrstar kóbinese bir nemese eki árippen, belgilermen erekshelenedi; kúdikti resýrstarǵa qupııa jáne banktik aqparatty engizbeý qajet; jetkizilimniń mártebesin kýrerlik qyzmetterdiń, logıstıkalyq kompanııalardyń resmı saıttary men qosymshalary arqyly ǵana tekserý kerek; kúdikti habarlamalardy alǵan kezde olardy elemeý jáne buǵattaý qajet.Qostanaı oblysynda ınternet-alaıaqtyqtyń joly kesildi
Alaıaqtar azamattardyń sengishtigin jáne jetkizilim týraly habarlamalarǵa jyldam jaýap berý ádetin belsendi paıdalanady.
Stalkıng pen alaıaqtyq qatań jazalanady