Qazaqstan Prezıdenti Qasym-Jomart Toqaev Túrkııa Prezıdenti Rejep Taııp Erdoǵanmen telefon arqyly sóılesti, dep habarlaıdy Egemen.kz Aqordanyń baspasóz qyzmetine silteme jasap.
Áńgime barysynda Qasym-Jomart Toqaev Rejep Taııp Erdoǵandy prezıdent saılaýyndaǵy jeńisimen quttyqtady. Memleket basshysy Túrkııa Respýblıkasynyń 100 jyldyǵy qarsańynda ótken prezıdent saılaýyndaǵy Rejep Taııp Erdoǵannyń aıqyn jeńisi onyń Túrkııany damytýǵa qosqan zor úlesi men qoǵamdaǵy bıik bedeliniń nátıjesi ekenin atap ótti.
Prezıdent baýyrlas eki memlekettiń san ǵasyrlyq ortaq tarıhy men mádenıetiniń tamyry tereńde jatqanyn atap ótip, Túrkııamen aradaǵy keńeıtilgen strategııalyq seriktestikti odan ári damytýǵa daıyn ekenin jetkizdi.
Sondaı-aq Qasym-Jomart Toqaev Rejep Taııp Erdoǵandy osy jyldyń kúzinde túrki áleminiń rýhanı astanasy – Túrkistanda ótetin Túrki memleketteri uıymynyń 10-shy mereıtoılyq sammıtine qatysýǵa shaqyrdy. О́z kezeginde Túrkııa Prezıdenti Memleket basshysyna alǵysyn aıtyp, baýyrlas Qazaqstan halqynyń ósip-órkendeı berýine tilektestik bildirdi.