Petropavl qalasynda kommýnaldyq turǵyn úı qorynan páter alý kezeginde myńdaǵan adam tur. Buǵan deıin baspana bólýde jergilikti sheneýnikter neshe túrli burmalaýshylyqtarǵa jol berip, ádiletsizdikke tap bolǵan muqtaj jandar tarapynan joǵary jaqqa joldanatyn aryz-shaǵymdar tasqyny tyıylmaı kelgen edi. Mine, osyny eskergen oblys basshylyǵy qala ákimine páter kezegi týraly aqparattyń qoljetimdi bolýyn qamtamasyz etýdi tapsyrǵan bolatyn.
Soǵan oraı, qalalyq ákimdik páter kezeginde turǵandardyń tizimin tártipke keltirip, jergilikti «Qyzyljar nury» jáne «Prospekt SK» gazetteri arqyly jarııalaı bastady. Munyń ózi jurtshylyq qyzyǵýshylyǵyn týǵyzyp, jan-jaqty qoldaýǵa ıe bolyp otyr. Áleýmettik ádildikti ornyqtyrýǵa baǵyttalǵan osy ıgi bastama júıeli jalǵasyn taýyp, órisi keńeıe tússe, quba-qup.
Káribaı Musyrman,
jýrnalıst.
Petropavl.