Sybaılas jemqorlyqqa qarsy is-qımyl agenttigi Astana qalasy boıynsha Memlekettik kirister departamentiniń basshysyna qatysty tergeýdi aıaqtady, dep habarlaıdy Egemen.kz.
«Sybaılas jemqorlyqqa qarsy qyzmet Astana qalasy boıynsha Memlekettik kirister departamentiniń bólim basshysyna qatysty tergeýdi aıaqtady, ol 2022 jyldyń jeltoqsanynda kvazımemlekettik kásiporynǵa júrgizilip jatqan tekserý boıynsha salyqtardy qosymsha esepteý somasyn tómendetkeni úshin 20 mln teńge kóleminde para alǵan», dep habarlady agenttik.
Tergeý sotynyń sanksııasymen kúdikti qamaýǵa alyndy.
ANTIKOR baspasóz qyzmeti habarlaǵandaı, qazirgi ýaqytta Astana qalasynyń prokýratýrasy aıyptalýshyny sotqa berdi.
QR QPK 201-babyna sáıkes tergeý múddesi úshin ózge aqparat jarııa etýge jatpaıdy.
Sonymen birge, Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.