Búgin aqyn, Qazaqstannyń eńbek sińirgen qaıratkeri Qoıshyǵul Jylqyshıev dúnıeden ótti, dep habarlaıdy Egemen.kz.
Qoıshyǵul Jylqyshıev 1948 jyly 24 qazanda Atyraý oblysynyń Inder aýdanyndaǵy Jarsýat aýyldyq keńesine qarasty Jamanqudyq jaılaýynda týǵan.
1975 jyly QazMÝdiń jýrnalıstıka fakýltetin bitirgen. Qazaq KSR Mádenıet mınıstrliginde, Qazaq teledıdarynda qyzmet istegen. «О́nerpaz» qoǵamdyq qaıyrymdylyq qorynyń prezıdenti, respýblıkalyq «Mahambet» qorynyń tete-prezıdenti, Qazaqstan Jazýshylar odaǵynyń Atyraý oblystyq fılıalynyń dırektory bolǵan.
«Tuńǵysh» (1978), «Muńkitap» (1998), «Asaýker» (2001) jyr kitaptarynyń avtory.
1996 jyly M.О́temisuly týraly pýblısıstıkalyq maqalary úshin Qazaqstan Jýrnalıster odaǵynyń A.Baıtursynov atyndaǵy syılyǵyn alǵan.
Ol sondaı-aq «Tamasha» oıyn-saýyq otaýyn ashqany úshin avtorlyq kýálik alǵan.
Qoıshyǵul Jylqyshıev - Mahambet atyndaǵy syılyqtyń laýreaty, Qazaqstannyń eńbek sińirgen qaıratkeri (2003).