Túlekter tartýy

2003 jylǵy túlekter mektep tabaldyryǵyn alǵash at­ta­ǵanda árip tanytyp, álippe oqyt­qan Qamarııa Dárkenbaeva, Maıdash Taqabaeva, Gúlzıra Nurmuhanbetova, Jumagúl Tájıeva, Jumabıke Súpeeva syndy bastaýysh synyp mu­ǵa­limderi men 11-synyp­ty aıaqtatyp, attestattaryn qolyna ustatqan Ká­den Jan­­­týova, Aınur Ber­tae­­va bastaǵan ulaǵatty us­taz­daryna iltıpattaryn bil­dir­di. О́z kezeginde ustazdary shá­kirtteriniń dúnıege kir­pish bolyp qalanyp, oryn tapqandaryna rızashy­lyq­taryn jaýdyrdy. Osyndaı syı-qurmetpen órilgen áser­li kezdesýlerinde 2003 jyl­dyń túlekteri ómirden erte ótken synyptastaryna Qu­ran baǵyshtap, eske alýdy da umytpady. Sondaı-aq is-sha­rany uıymdastyrýshylar aqyl­dasa kelip, Saryjaz aýylynda turatyn synyptastary Jazıra Qabaevaǵa páter satyp alyp berdi. Sebebi Jazıra Ka­malqyzy – ata-anasynan erte aıyrylyp, artynan ilesken alty baýyryna pana bolyp, olardy túgel aıaqtandyrǵan úlken júrekti meıirim ıesi. О́zi de turmys quryp, 2 balaly bolǵanda kúıeýi dúnıeden ótip, qıyndyqtyń qamytyn kıgen edi. Mine, taǵdyrdyń aýyrtpalyǵyn arqalap, baýyr-týǵandarymen birge tirshilik etip júrgen synyptastarynyń óz aldyna otaý bolýyna qol­ushyn berip, qamqorlyq jasaý­dy jón kórgen túlekter qal­talarynan qarjy jınap, bes bólmeli úıdiń kiltin tabystap, qýanyshqa bóledi. Sonymen qatar 20 jyldyqqa kelgen túlekterdiń aýyl meshi­tine alty qanat aqboz úı syılap, jomarttyq jasaǵanyn da aıryqsha ataǵanymyz abzal. Is-sharany uıymdastyrýshylar bul úrdistiń jibin úzbeı jal­ǵasýyn keıingi túlekterge amanattady.

Buǵan qosa Altynbek Sár­senbaev atyndaǵy Saryjaz orta mektebine minber, ús­tel, jumsaq jıhaz tabys etip, mektep buıymdaryn ja­ńart­ty jáne bastaýysh synyp oqýshylaryna este­lik syılyqtar berip, qýanysh­taryn ese­ledi. Spor­t­tyq sharalar uıymdas­ty­ryp, aýyl ishin máre-sáre etti. Bul kúnderi balalardyń qýanysh­tarynda shek bolmaǵany anyq.

Sóıtip, synyptastardyń 20 jyldyq kezdesýi oıyn-saýyqpen ǵana shektelmeı, qa­ıyrymdylyq sharalarymen órilip, erekshe este qalarlyq ári kópke úlgi bolarlyq dárejede uıymdastyrylǵanyna ustaz­dary men aýyldastary dán rıza bolyp, aq batasyn berdi.

Almaty oblysy