Sút bezi isigin emdeýdiń amal-tásili

Dárigerler sút bezi isigin em­deýdiń ońtaıly taktıkasyn dıagnostıkalaýǵa jáne tań­daýǵa baılanysty kóptegen suraqqa alańdaýly. Son­dyq­tan atalǵan is-shara eli­miz úshin ǵana emes, búkil ká­sibı qoǵamdastyq úshin de ma­ńyzdy. Konferensııaǵa kelgen qonaqtardyń qatarynda tá­jirıbeli onkomammologter, hı­rýrgter, ýltradybystyq dıag­nostıka dárigerleri, hımıo­terapevter, sáýlelik terapııa ma­mandary, patomorfologter bar. Sondaı-aq Reseıden de spıkerler qatysty.

Forýmnyń birinshi kúninde sala mamandary sút beziniń onko­plastıkalyq hırýrgııasy, sút bezi obyry hırýrgııasy, sút bezi qaterli isiginiń dárilik jáne sáýlelik terapııasynyń prınsıpteri, sút bezi qaterli isi­giniń dıagnostıkasy jaıynda oı bólisti. Konferensııada Ult­tyq ǵylymı onkologııa or­talyǵy basqarma tóraǵasynyń medısınalyq qyzmet jó­nin­degi orynbasary Ádilbek Muqa­janov is-sharanyń mán-mańyzy týraly aıtyp bergen edi.

«Jasyratyny joq, sút be­zi obyryna shaldyqqan naý­qas­tar kóbeıip jatyr. О́ıt­keni aýrýdyń osy túri ke­she ǵana paıda bolǵan joq, bu­ryn­nan bar. Iá, keıingi 10 jyl­dyń ózinde medısına sala­sy aıtarlyqtaı ilgeriledi. Sút bezi isigin emdeýdiń ádis­­tá­sil­­deri kóbeıdi. Osy ba­ǵyt­­ta bilikti mamandardyń iz­de­nisteri kóp. Dári-dármekter de je­tedi. Burynda osyndaı dert­ke shaldyqqan áıelderdiń sút bezin túgel alyp tastaı­tyn. Mun­daıda áıelge psıho­lo­gııa­lyq salmaq túsetini túsinikti. Qazirgi medısına osy jaıdy da baǵamdap, aldyn ala alady. Tek osyndaı tájirıbeler negizdi qoldanylýy kerek. Búgingi konferensııada eldegi, sheteldegi árip­testermen sút bezi obyryn dıagnostıkalaýda, emdeý­de qan­daı kedergiler baryn anyq­tap, jetistikterimizdi orta salyp, tájirıbe almasyp jatyrmyz. Búgin medısına mamanda­ry baıandama jasasa, erteń eldiń jáne sheteldiń dárigerleri bir­lesip, hı­rýrgııalyq operasııalar jasaıdy. Ol operasııany qonaqtar onlaın rejimde tamashalaı alady», dedi Ádilbek Muqajanov.

Dúnıejúzi densaýlyq saq­taý uıymynyń dereginshe, 2020 jyly álemde 2,26 mln-nan as­tam pasıent sút bezi obyryna shaldyqqan. Bul – qaterli isikke shaldyqqandardyń jalpy dereginiń 11,7 paıyzyna teń. Sol jyly sút bezi obyry­nan 685 myń adam mezgilsiz kóz jumǵan. Ulttyq onkologııa or­ta­lyǵynyń mamandary sút bezi obyryn emdeýge erekshe na­zar aýdaryp otyr. Mysaly, byltyr ortalyqta 460 mammologııa sektory boıynsha 460 ota jasalǵan. Onyń 265-i bir ýaqytta plastıkamen birge jasal­sa, 93-i – onkoplastıkalyq re­zek­­sııamen jasalǵan. Sony­men qatar ortalyqtyń mamandary Reseı, Izraıl, Ońtústik Ko­reıa, sosyn Eýropa elderine ba­ryp, biliktiligin arttyrý­dan qol úzbegen. О́ńirdegi árip­tes­ter­men de tyǵyz baılanysta. Saladaǵy ózekti máse­le­ler talqylanǵan konferensııada da dárigerler mol maǵlumat aldy.