Memleket basshysy Eýropalyq qaıta qurý jáne damý bankiniń prezıdenti Odıl Reno-Bassomen kezdesti, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Sheteldik ınvestorlar keńesiniń otyrysyna qatysý úshin Qazaqstanǵa kelgen Eýropalyq qaıta qurý jáne damý bankiniń prezıdenti Odıl Reno-Bassomen kezdesý ótkizdi.
Kezdesý barysynda elimizde energetıka, kólik-tranzıttik tasymal, «jasyl» ekonomıka, aýyl sharýashylyǵy jáne kásipkerlik salalaryndaǵy birqatar ınvestısııalyq jobany iske asyrý perspektıvalary talqylandy.
Sondaı-aq Qasym-Jomart Toqaev pen Odıl Reno-Basso Eýropalyq qaıta qurý jáne damý bankiniń Qazaqstandaǵy qyzmetiniń perspektıvalary men aldaǵy yntymaqtastyqtyń basym baǵyttary jóninde pikir almasty.