Birneshe buqaralyq aqparat quraldary redaksııalarynyń Telegram akkaýntyna jáne memlekettik organdardyń mekenjaılaryna lańkestik sıpattaǵy qaýip-qater bar habarlamalar kelip túsken, dep habarlaıdy Egemen.kz.
Osyndaı saryndaǵy habarlama «Egemen Qazaqstan» gazetiniń telegramdaǵy resmı paraqshasyna da kelip túsken.
Polisia.kz saıtynyń málimetinshe, polısııa qyzmetkerleri jedel-izdeý sharalaryn júrgizip, birneshe telefondy, sondaı-aq olardyń ıeleri men paıdalanýshylaryn anyqtaǵan.
Habarlamany jiberýshilerdiń arasynda Qazaqstannyń qarapaıym azamattary, onyń ishinde kámeletke tolmaǵandar da bar bolyp shyqty. Biraq olardyń poshta jóneltilimderine qatysy bar ekeni rastalmady.
Olardyń barlyǵy Telegram messendjeriniń belgisiz qoldanýshylary tarapynan «svattıngtiń» (quqyq qorǵaý organdaryn hakerlengen adresattarǵa shaqyrý úshin aýyr quqyq buzýshylyqtar týraly jalǵan habarlamalar) qurbandary boldy degen boljam bar.
Qazirgi ýaqytta quqyq qorǵaý organdary quqyq buzýshylardy anyqtap, kórineý jalǵan habarlamalary úshin elimizdiń zańnamasyna sáıkes jaýapkershilikke tartyp jatyr.
Quqyq qorǵaý organdary jaǵdaıdy tolyq baqylaýǵa alyp, alańdaýǵa negiz joq ekenin aıtty. Sondaı-aq áleýmettik jeliler men basqa da BAQ qoldanýshylaryn tek resmı habarlarǵa senýge shaqyrdy.