Qasym-Jomart Toqaev Abaı oblysynyń ákimi Nurlan Uranhaevqa óz mindetin tıisti deńgeıde atqarmaǵany úshin sógis jarııalady, dep habarlaıdy Egemen.kz Aqorda baspasóz qyzmetine silteme jasap.
«Qatelik kóp. Shuǵyl árekettiń jetispeýi, máseleden syrt qalýyńyz osy apatqa ákeldi. О́zińiz de oqıǵa ornyna kesh jetkenińizdi maǵan baıandadyńyz. Sondyqtan jergilikti atqarýshy organnyń jumysyna kóńilim tolmaıdy. Túsinemin, oblys endi quryldy, siz – jańa ákimsiz. Osy sebepti ǵana sizge sógis jarııalaımyn. Negizi, mundaı qatelik úshin birden qyzmetten bosatý kerek», dedi Memleket basshysy.
Bul rette el Prezıdenti zardap shekken adamdarǵa naqty kómek kórsetilýi tıis ekenin qadap aıtty.
«On tórt adamnan aıyrylyp qaldyq. Bul ne sizge, oıynshyq pa? Olar qyzmettik boryshyn atqara júrip qaza tapty. Qazir sizdiń mindetińiz – Úkimetpen birge meniń azamattarǵa bergen barlyq ýádemniń oryndalýyn qadaǵalaý. Sóz ben is qabysý kerek. Iá, men kóńil aıttym. Biraq adamdarǵa naqty kómek kórsetilýge tıis», dedi Prezıdent.