Máskeýde Iý.Doljıkov atyndaǵy úrmeli jáne urmaly aspaptarda oryndaýshylardyń XII Halyqaralyq baıqaý-festıvalinde Balqashtaǵy Balalar óner mektebiniń tárbıelenýshisi Dana Syzdyqova fleıtada óner kórsetip, ekinshi oryndy ıelendi.
Halyqaralyq óner básekesi eki kezeńnen turdy. Birinshi kezeńde Dana Almatydaǵy baıqaýda birinshi oryn alyp, Máskeýdegi festıvalǵa shaqyrtý aldy.
Uıymdastyrýshylar Danaǵa qashyqtyqtan baılanysqa shyǵyp, óner kórsetýge múmkindik jasady. Baıqaýdyń bul kezeńinde otandasymyz eki týyndyny nazarǵa usyndy. Olar – Vılgem Poptyń «Ásem valsi» jáne Sergeı Rahmanınovtyń «Ne poı, krasavısa, prı mne!» romansy.
Qazylar alqasy óner men mádenıettiń ataqty ókilderinen jasaqtalǵanyn atap ótken jón. Sılantev atyndaǵy akademııalyq úlken konserttik orkestrdiń bas dırıjeri Aleksandr Klevıskıı qazylar alqasyna tóraǵalyq etti. Kásibı mamandardan quralǵan alqa baıqaý barysynda Dananyń talantyn joǵary baǵalady.
Balqash qalasy Balalar óner mektebiniń oqytýshysy Svetlana Shohataeva shákirtimen maqtanady.
– Dana fleıtanyń únin ınternetten estipti. Sodan ájesi nemeresiniń osy aspapta oınap úırenýge degen qulshynysyn kórip, bizge alyp keldi. Dana mýzyka mektebin syrttaı bitirdi. Tórt jyl ishinde bes jyldyq baǵdarlamany meńgerdi. Ol – eńbekqor, tabandy. Onyń rýhy kúshti. Myqty mýzykant bolý úshin uzaq eńbek etý kerektigin jaqsy túsinedi. Qazir Dana P.Chaıkovskıı atyndaǵy Almaty mýzykalyq kolledjine túsýge daıyndalyp jatyr, – deıdi Svetlana Shohataeva.
Qaraǵandy oblysy