Grýzııanyń Batýmı qalasynda kadetter men jastar arasyndaǵy rapıd jáne blıs shahmattan álem chempıonaty aıaqtaldy, dep habarlaıdy Egemen.kz QR Mádenıet jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
Shveısarııalyq júıe boıynsha 11 raýndtan turatyn bəsekede 35 elden kelgen 450-den astam 8-18 jas aralyǵyndaǵy oıynshy ózara synǵa tústi.
Qazaqstan quramasynyń órenderi 6 kúnge sozylǵan týrnırde jaqsy nətıje kórsetti. Nátıjesinde qorjynǵa 2 altyn men 4 kúmis medal tústi.
Əýeli jas oıynshylar rapıdten úzdikterdi anyqtady. Munda Alanna Berikqyzy (10 jasqa deıin), Aıarý Altynbek (U-12) pen Zarına Nurǵalıeva (U-14) óz jas sanatynda 2-orynnan kórindi.
Al blıste jas otandasymyz Iman Nəbıev kúmis medal jeńip aldy. Ol tek shotlandııalyq Lýıs Chengke ese jiberdi. Al Aıarý Altynbek (U-12) pen Zarına Nurǵalıeva (U-14) chempıon atandy. Jýyrda ǵana klassıkalyq shahmattan 9 jasqa deıingi oıynshylar arasynda əlem chempıony atanǵan Alanna Berikqyzy bul synda úzdik bestikti túıindedi. Osy tusta uıymdastyrýshylar jigerlendirý úshin barlyq jas sanatynda jaqsy nətıje kórsetken ədettegideı 3 emes, 5 oıynshyǵa júlde tabystaǵanyn aıta ketý kerek.