El tynyshtyǵyn qaltyqsyz qadaǵalaý - aıbyndy áskerge júktelgen jaýapty mindet. Bıyl Qazaqstannyń Qarýly Kúshterine qarasty Áýe shabýylyna qarsy qorǵanys áskerine 31 jyl tolyp otyr. Osyǵan oraı «Egemen Qazaqstan» gazetiniń tilshisi Arman Oktıabr Áýe shabýylyna qarsy qorǵanys áskeriniń qolbasshysy, general-maıor Nurtas Qabaqovpen júzdesip, jaýapty mıssııanyń shetinde júrgen qurylymnyń ereksheligi jaıly áńgimelesti.
«Halqymyzda «Jaý joq deme, jar astynda» deıtin maqal bar. El tynyshtyǵyn kúzetý men qorǵaý – árdaıym Qarýly Kúshter úshin, onyń ishinde Áýe shabýylyna qarsy qorǵanys áskerleri úshin basty mindet. Sol sebepti kez kelgen jaǵdaıǵa daıyn bolý, kúrdeli jaǵdaıda ońtaıly sheshim qabyldap, jyldam ári durys áreket etý – zaman talaby. Bıyl Áýe shabýylyna qarsy qorǵanys áskerleri óziniń 31 jyldyq mereıtoıyn atap ótedi», dedi general-maıor Nurtas Qabaqov.
Sondaı-aq general-maıor áýe shabýylyna qarsy qorǵanys tehnologııalaryn eń aldymen utqyrlyq boıynsha jańa deńgeıge shyǵarý kerek ekenin atap ótti.
«Bul qazirgi zamanǵy áýe shabýylyna qarsy qorǵanys keshenderimen qarýlanǵan mobıldi Áýe shabýylyna qarsy qorǵanys brıgadalarynyń qurylýy men damýyn aıqyndaıdy. Sonymen birge atalǵan sharalar áýe shabýylyna qarsy qorǵanys kúshteri men quraldarynyń qýatty jáne mobıldi rezervin qurýǵa múmkindik bermek», dedi Nurtas Qabaqov.
Suhbattyń tolyq nusqasyn «Egemen Qazaqstan» gazetiniń №115 (30594) sanynan nemese myna silteme arqyly oqı alasyzdar.