Astanadaǵy medısınalyq kómektiń sapasy

Birer kún buryn elordadaǵy №1 kóp­­beıindi qalalyq aýrýhanaǵa jáne «О́nege» ońaltý ortalyǵyna bar­ǵa­ny­myzda, MÁMS sheńberinde kórse­tiletin medısınalyq kómek týrasynda dáıekti aqparat jınadyq. Sonymen byltyr №1 kópbeıindi qalalyq aýrýhananyń bazasynda jedel koronarly sındrommen kelgen pasıentterge kómek kórsetý úshin ıntervensııalyq rentgenhırýrgııa bólimshesi ashylǵan. Bólimshede jasalatyn operasııalarǵa byltyr MÁMS esebinen 200 947 760 teńge qaralǵan. Osy somaǵa 231 operasııa jasalǵan. Al bıyl 291 160 736 teńge somasyna 283 naýqas operasııa jasatyp, dıagnos­tıkadan ótken. Taǵy aıta ketetini, bıyl maýsym aıynan osy aýrýhanada júrek-qan tamyrlary aýrýymen kelgen naýqasqa josparly kómek kórsetý úshin №1 terapııa bólimshesinde kardıo­hırýrgııa profıli ashylǵan. Biz osy aýrýhananyń ıntervensııalyq rentgenhırýrgııa bólimshesiniń dárigeri Azat Ydyrysovpen pikirlesken edik.

– Biz Astana qalasynyń Baıqońyr, Almaty aýdandary boıynsha koronarly sındrommen túsken naýqastardy jedel qabyldaımyz. Mundaıda naýqas angıograf apparatyna jatady. Sosyn, osy apparatta júrek-qan tamyrlary­nyń bitelgen tustaryn anyqtap, tazartamyz. Bul – joǵary tehnologııalyq operasııa sanalady. Qan tamyrlarynda tromb paıda bolýy múmkin. Ol kisiler júrek ustamasymen túskende, jedel operasııa jasaımyz. О́kinishke qaraı, júrektiń ıshemııalyq aýrýy jasaryp barady. Jedel túrde ınfarktpen túsken naýqastardyń ishinde qazir 20-25 jasta­ǵy pasıentter de kezdesti. Aptap ystyqta júregi aýyryp keletin pasıentter jıi­ledi. Bólimshede sońǵy úlgidegi stan­darttarǵa saı apparat, qural-jabdyqtar jetkilikti. Bólimshedegi operasııalar­dyń barlyǵy MÁMS júıesi esebinen tegin jasalady. Qazir bólimshedegi operasııalar tamyr arqyly jasalady. Endi bıyl jyl sońyna deıin kardıohırýrgııa bólimshesin ashýǵa da­ıynbyz. Onda ashyq túrdegi operasııalar jasalady, deıdi A.Ydyrysov.

Budan ári kópbeıindi aýrýhananyń kardıologııa bólimshesine baryp, operasııadan shyqqan pasıenttermen júz­desýdi jón kórdik. Bólimshede 35 naý­qas­qa shaqtalǵan tósektik oryn bar eken. Biz egde jastaǵy naýqastar jaıǵasqan palatada pasıentti B.Sydyqovany áńgi­mege tarttyq.

– 2017 jyly qal-ahýalym nashar­laı bastady. Dárigerge qarala kele, júrek­tegi eki tamyrǵa durys qan júrmeıti­­nin bildik. Táýbe, sol jyly №2 qalalyq aýrýha­nanyń dárigerleri jedel kómek kór­setti. Aýrýhanada 18 kún jattym. Shú­kir, jaǵdaıym jaqsardy. Sodan beri mine, 5 jyl óte shyǵypty. Kardıolog­terdiń nusqaýymen 14 maýsymda №1 qalalyq aýrýhanaǵa joldamamen kel­dim. Densaýlyǵymdy jiti baqylaǵan dári­gerler kelgen kúnniń ertesine-aq júrek-qan tamyrlarynyń bitelgen tus­taryn tazartty. Operasııa sátti ótti. Jar­ty saǵatta palataǵa alyp keldi. Medısınalyq tekseristerden túgel óttim. Jaǵdaıymyzdy dárigerler únemi baqylap otyrady. Shúkir, birer kúnde aýrýhanadan shyǵamyn, dedi dárigerlerge alǵysyn jaýdyrǵan ana.

MÁMS júıesinde saqtandyrylǵan azamattar bazalyq analız taldaýlarynan bastap quny qymbat operasııaǵa deıingi barlyq qajetti medısınalyq kómekti tegin alady. Medısınalyq saq­tandy­rý qory esebinen memlekettik me­dısına uıymdary ǵana emes, qormen kelisimshart jasaǵan jekemenshik klı­nıkalar da medısınalyq kómek kór­setedi. ÁMSQ Astana qalasy boıyn­sha fılıalynyń halyqty aqpa­rattandy­rý jáne ótinishterdi qaraý bóli­miniń jetekshisi Ǵulamjan Jumanovtyń aıtýynsha, jyl saıyn medısınalyq saq­tandyrý esebinen kardıohırýrgııa, neırohırýrgııa, ýrologııa, travmatologııa, onkologııa, hırýrgııa, basqa pro­fılder boıynsha naýqastarǵa ope­rasııa jasalady. Osyndaı bir ǵana kúr­deli otanyń quny orta eseppen birneshe mıllıonǵa shyǵýy múmkin. Alys ketpeı-aq qoıalyq, mysaly, bıyl tórt aıda Astana qalasy boıynsha 4,5 mlrd teńgege 777 kardıohırýrgııalyq operasııa jasalǵan.

Osy kúni áleýmettik medısınalyq saqtandyrý qory­nyń mamandarymen birge «О́nege» ońal­tý ortalyǵyna da bardyq. Onda orta­lyqtyń basshysy dáriger-reabılıtolog Gúlim Dúısenbına ortalyqtyń tynys-tirshiligin tanys­tyrdy.

– Ortalyqta neıroortopedııalyq pa­to­logııasy bar balalar emshara qabyl­daıdy. Aıyna biz keminde 50 balany qoǵam­ǵa beıimdeýge bar kúshimizdi sala­myz. Ortalyqqa tek Astana qalasy emes, óńirlerden de balalar keledi. DSP, genetıkalyq aqaýlary bar balalar, daýn sındromyna shaldyqqan, aýtıstik spektri buzylǵan jáne jaraqat alǵan balalar keledi. Qarap otyrsam, reabılıtasııada eńbek etkenime 10 jylǵa jýyqtapty. Sonda baıqaǵanym, keıingi jyldary DSP, aýtıstik spektri buzylǵan balalar jıi keletindigi. Mundaıda balalardyń dıagnozyn meı­linshe erterek anyqtasa, em shıpaly bolady. Ortalyqta beıimdelgen balalar kóp. Biz osyǵan deıin nevropatolog-dáriger ekeýmiz aýstrııalyq mamandardan oqydyq. Balany shaqalaq kezinen baqylaý arqyly buzylystaryn taba ala­tyn boldyq. Is-qımylynda nemese oılaý qabiletinde buzylysy bar alty aıǵa deıingi balalardy da anyq­taı ala­myz. Keıbir balalardyń damýyn­daǵy kedergiler áste is-qımylynan baı­qal­maıdy. Biraq balanyń qabyldaý qabi­letinde nemese psıhologııalyq jaǵynan sóıleý qabiletinde buzylystary bolýy múmkin. Biz muny sábılerdiń emosııasynan da baıqaımyz. Sondyqtan keıde tý­ǵanyna 3 nemese 5 aı bolǵan bala­lar­dyń ata-anasyna reabılıtasııa­dan ótýdi usynamyz, deıdi dáriger-reabılıtolog.

Áleýmettik medısınalyq saqtandy­rý qorynyń Astana qalasy boıynsha fılıaly bıyl ońaltýǵa úles qosyp júr­gen 65 medısına uıymymen kelisim­shart jasaǵan. Onyń ishinde 38 – jekemen­­shik, 25 – memlekettik, 3 – respýblıka­lyq ­medısına uıymy bar. Olarǵa bıyl MÁMS esebinen 9,2 mlrd teńge ­qaral­ǵan.

Qazir qoǵamda MÁMS júıesine qa­tysty oryndy-orynsyz syn-pikirler jıi aıtylady. Shyn mánisinde, qor ese­binen jasalyp jatqan joǵary teh­no­­logııalyq operasııalardan basqa da qyz­­metter jetip artylady. Sony­men qatar qormen shart jasaǵan medı­sı­nalyq uıymdar halyqqa sapaly ári qol­­jetimdi medısınalyq kómek kórsetý ja­ýapkershiligin ózine alady. Iаǵnı qor aradaǵy sharttardyń oryndalýyn baqylaıdy.