Búgin Barys-Arenada Astana qalasy mektepteriniń túlekteri úshin eń aýqymdy «Elorda maqtanyshy» mektep bitirý keshi ótedi. Is-shara elorda túlekterin bir shańyraq astyna biriktiredi, sonymen qatar ártúrli salada aıtarlyqtaı jetistikterge jetken zamanaýı urpaqtyń tabysty ókilderi ózderiniń kásibı bilimderi men jetistikke jetý qupııalarymen, tájirıbesimen bólisedi, dep habarlaıdy Egemen.kz.
Memleket basshysynyń atynan Qazaqstan Respýblıkasy Parlamenti Senatynyń tóraǵasy - Máýlen Áshimbaev, Astana qalasynyń ákimi - Jeńis Qasymbek, sonymen qatar Saıasat Nurbek, Qazaqstan Respýblıkasynyń Ǵylym jáne joǵary bilim mınıstri jáne Ǵanı Beısembaev, Qazaqstan Respýblıkasynyń Bilim mınıstri quttyqtaý sóz sóıleıdi. «Elorda maqtanyshy» mektep bitirý keshi aıasynda oqýshylar men talapkerlerge arnalǵan JOO-nyń kórmesi uıymdastyrylyp, onda bilim berý mekemeleriniń ókilderi oqýǵa túsý sharttary jáne baǵdarlamalarymen tanystyrady.
Túlekter aldynda motıvasııalyq sózben:
Dáýlet Muqaev, QR Parlamentiniń depýtaty; Nurlan ımam Baıjigituly, ımam, dintanýshy, teolog jáne psıholog. «Yryskeldi qajy» meshitiniń bas ımamy; Elena Rybakına, qazaqstandyq tennısshi, jalǵyz razrıadtaǵy Úlken dýlyǵanyń bir týrnıriniń ıegeri; bes WTA týrnıriniń jalǵyz razrıadtaǵy jeńimpazy; 18 jasqa deıingi jasóspirimder komandalyq birinshiliginiń Eýropa chempıony; (beıne quttyqtaý) Kúnsulý Zakarııa, bıologııalyq qaýipsizdik salasyndaǵy ǵalym, Qazaqstan Respýblıkasy Prezıdentiniń janyndaǵy Ǵylym Akademııasynyń prezıdenti. COVID-19 koronavırýstyq ınfeksııasyna qarsy QazCovid-in (QazVac) qazaqstandyq ınaktıvasııalyq vaksınasyn ázirleýshi; Serik Sápıev, saıası qaıratker, boksshy, 2005 jáne 2007 jyldardaǵy álem chempıony, 2012 jylǵy Olımpıada chempıony. Qazaqstan Respýblıkasynyń eńbek sińirgen sport sheberi. 2012 jylǵy Vel Barker kýbogynyń ıegeri; Amıra Artyqbaeva, Brown University jáne Aıvı lıgasynan Dartmouth College, Northwestern University, Williams College, Amherst College, Wellesley College, AQSh-taǵy Colby College, Katardaǵy Carnegie Mellon Qatar, sondaı-aq Kanadadaǵy Brıtandyq Kolýmbııa ýnıversıtetterinen shaqyrý aldy. Amıra Pavlodar qalasynyń NIS tarıhynda Shyrmaýyq lıgasyna shaqyrý alǵan alǵashqy túlegi; Aqtoty Asanova, Qazaqstannyń eń jas polıgloty. Qazaq, orys, aǵylshyn, túrik, qytaı, fransýz jáne ıspan tilderin meńgergen. «English with polyglot» til kýrsynyń avtory sóıleıdi.
Sondaı-aq is-shara uıymdastyrýshylary Ayree, Erkesh Hasen, Ayau, Qazybek Quraıysh, Amre, Sadraddin, Mıras Júginusov sekildi zamanaýı qazaqstandyq oryndaýshylardyń qatysýymen ótetin konserttik baǵdarlama túlekterge arnaıy daıyndaǵan.