QR Ekologııa jáne tabıǵı resýrstar mınıstrligi Qaraǵandy oblysyndaǵy kıikterdiń ólimine qatysty túsinikteme berdi, dep habarlaıdy Egemen.kz.
26 maýsymda Qaraǵandy oblysy Nura aýdany Qaınar aýylynan batysqa qaraı 20 shaqyrym jerdegi Qulan ózeninen barlyǵy 86 bas kıik laqtarynyń óleksesi tabyldy.
«Janýarlardyń ólekseleri buzylyp bastaǵandyqtan olardyń jynysyn anyqtaý múmkindigi bolmady, sondaı-aq teriniń joǵarǵy qabatynda oq izderi tabylmady, ıaǵnı qylmystyq izder joq. Kıik ólekseleri sýdan alynyp, arnaıy polıgonǵa aparylyp, joıyldy. Anyqtalǵandaı, kıik laqtary ózennen ótý kezinde sýǵa batyp ketken», delingen vedomstvo habarlamasynda.