«Qazaq gazetteri» seriktestigi Almaty qalasyndaǵy basylymdarynyń qyzmetkerleri BAQ qyzmetkerleri kúnine oraı mamandardy marapattap, qasıetti Qurban aıt merekesine oraı qara shańyraqtyń qalyptasýyna yqpal etken azamattardyń rýhyna quran baǵyshtady, dep habarlaıdy Egemen.kz.
Bul týraly «Qazaq gazetteri» Bas dırektorynyń orynbasary - Almaty qalasy basylymdarynyń jetekshisi Dýman Anash áleýmettik jelidegi paraqshasynda jazdy.
«Búgin «Qazaq gazetteri» seriktestigi Almaty qalasyndaǵy basylymdarynyń qyzmetkerleri qasıetti Qurban aıt pen tól merekemizge oraı redaksııamyzda dastarqan jaıyp, Quran oqytty. «О́li rıza bolmaı, tiri baıymaıdy» deıdi, dúnıeden ótken Jumabek Kenjalın, Amanhan Álimuly, Nurperzent Dombaı jáne t.b. osy shańyraqtyń qalyptasýyna qajyrly eńbek etken qalamger aǵalarymyzdy eske aldyq. Rýhtary shat bolsyn!
Sondaı-aq jarty ǵasyrǵa jýyq eńbek jolynan ótip, «Aqıqat» jýrnalynda ıyqtasyp qatar zeınet demalysyna shyǵyp jatqan qos qalamger aǵamyz Serikqalı Hasan men Qutmaǵambet Qonysbaıǵa qurmet kórsetilip, «Eńbek ardageri» medali tapsyryldy. Eńbekterińizdiń zeınetin kórińizder, aǵalar!
Kásibı merekemizde eńbegi elenip jatqan áriptesterimizdiń qatarynda «Baldyrǵan» jýrnalynyń sýretshisi Erlan Mombaev pen Kazgazeta ınternet-redaksııasynyń basshysy Aınur Muratova hanym da bar. Qos áriptesimiz «Aqparat salasynyń úzdigi» tósbelgisimen marapattaldy. Áriptesterimiz shyn máninde úzdik. О́ıtkeni balalar basylymynyń jartysynan astamy ıllıýstrasııamen, bezendirýmen shyǵatyny belgili. Bul - orasan eńbek. Sonymen birge demalys kúninde de, merekede de tolassyz aqparat taratatyn, búkil gazet-jýrnaldarymyzdyń saıtyna ıe bolyp otyrǵan, bul azdaı áleýmettik jelidegi paraqshalardy da damytýǵa kúsh salyp jatqan ınternet-redaksııa qyzmeti - naǵyz kreatıv. Ony turaqty júrgizip otyrý ońaı emes. Aınur Ákimbaıqyzynyń bul joldaǵy eńbegi eren, qurmetke de laıyq!
Qysqasy, ujymdaǵy árbir áriptesimiz bıik baǵaǵa ıe.
Aıttan aıtqa aman-esen, merekeden merekege bereke-birlikpen jete bereıik! Eńbek elene bersin, qadirli áriptester!», delingen jazbada.