Qara óleńniń sheberi – qańly Júsip

Aımaqtaǵy aqyndyq mekteptiń kór­nekti ókilin ulyqtaýǵa arnal­ǵan aıtysta oblys ákimi Nurlybek Ná­li­­baev  sóz sheberlerin quttyqtap, sát­tilik tiledi.  О́ńir mádenıetin da­my­­tý bastamalary jaıynda aıtyp ótti.

– Bıyl oblys ortalyǵynan 1000 oryndyq О́ner ortalyǵyn el ıgiligine tabystaımyz. Bul rýhanııat saraıy talaı talant­tyń jolyn ashyp, halyq mura­syn jańǵyrtatyn ónerli urpaq­tyń jetilýine qyzmet etpek. Bıyldan beri mádenıet jáne ádebıet ókilderine oblys ákiminiń «Turan» syılyǵyn tapsyrýdy bastadyq. Bul syılyq ádebıet pen óner ókilderiniń shyǵarmashyly­ǵyn shyńdaýǵa septigin tıgizetinine senimdimin, – dedi aımaq basshysy.

Oblysta qara óleńniń sheberi atanǵan shaıyr rýhyn ulyqtaý sharalary dástúrli túrde ótkizilip keledi. Osydan 10 jyl buryn tu­ǵyrly tulǵanyń týǵan jeri Syr­darııa aýdanynda 140 jyldyq mereıtoıyna arnalǵan «Saıraǵan baq­ta bulbuldaı» atty mádenı shara uıymdastyryldy.  

О́z zamanyndaǵy saıası-áleý­met­tik oqıǵalardy, qoǵamdaǵy bo­lyp jatqan ózgeristerdi jyrǵa qos­qan aqynnyń murasyn zerttep, ke­ıin­gige tanytýda Qorqyt ata atyn­daǵy Qyzylorda memlekettik ýnı­versıtetiniń dosenti, fılologııa ǵylymdarynyń kandıdaty Ǵabıt Tuıaqbaevtyń qosyp kele jatqan úlesi úlken.  

Jalpy, Syr boıynda óner ókil­­derin qoldaýdyń úlgili úrdisi bar. Alda jyl saıyn turaqty túr­de­ bir márte respýblıkalyq alaman aıtys  uıymdastyrý jolǵa qoıylmaq. Kóp uzamaı «Aıtys olımpıadasy» atty oblystyq jasóspirimder aıtysy ótkiziledi.

Qazaqstannyń eńbek sińirgen qaı­ratkeri, respýblıkalyq jáne halyqaralyq aqyndar aıtysynyń jeńimpazy Amanjol Áltaev júr­gizgen aıtysta aqyndar ónerine Qa­­zaq­stannyń eńbek sińirgen qaı­rat­keri, túrki elderi Jazýshylar odaǵynyń tóraǵasy Ulyqbek Es­dáýlet, Qorqyt Ata atyndaǵy Qyzyl­orda ýnıversıtetiniń pro­­fes­sory, A.Baıtursynuly atyn­daǵy Altyn medal ıegeri Ǵabıt Tuıaqbaev, aqyn, Qazaqstan Jazý­shylar odaǵynyń múshesi Elýbaı Áýezov, aıtysker aqyndar Bek­arys Shoıbekov jáne Mamyr Baı­dáýletovter baǵa berdi.

Respýblıkalyq aıtystyń bas júldesi shymkenttik aqyn Nurlan Esenqulovqa buıyr­dy. Birinshi oryndy Muhtar Nııazov alsa, ekinshi oryn shıelilik aıtysker aqyn Iran­ǵaıyp Kúzenbaevqa, úshinshi oryn qyzylordalyq Nurmat Mansurov pen araldyq Beksultan Orynbasarovqa buıyrdy. Munan bólek, pavlordarlyq Jiger Bókenge, óskemendik Serik Qýanǵanǵa, qarmaqshylyq Syrym Ádilbekovke, almatylyq Nurzat Qarýǵa, shıelilik Erjigit Bekjanǵa yntalandyrý syılyqtary tabys­taldy.

Qyzylorda